منتدى المدونين واصحاب المواقع
يمكننا الرد على تساؤلاتكم وطرح مواضيع تفيدكم ..
مرحبا بكم


نجوم اف ام

السبت، 23 يونيو، 2007

نكت مصرية

لمزيد من النكت المصرية تفضل بزيارة مدونة اشطات
جديد بتاريخ 1 يناير 07

بلدينا داخل عند حلوانى قاله عندك جاتو قاله اه قاله هاتلى قفصين ..
ـــــــــــــــــــــــــــــــــــ
واحد سكران كان بيعاكس وحدة وحشة اوي بالليل فكان بيقول لها يا وحشة يا وحشة راحت ملتفتة ليه وقالت له يا سكران راح قايل لها طب انا سكران حفوق بكرة .. وانتي
ـــــــــــــــــــــــــــــــــــ
اثنين سكرانين واحد قال للثانى تعرف بيعملوا اية فى اوروبا لما المطر بيمطر .. قاله لا معرفش .. قال له بيسبوها تمطر
ـــــــــــــــــــــــــــــــــــ
مره واحد مسطول اوى راجع بيتهم الساعه اتنين بليل فاخته فتحت له الباب قام ضربها بالقلم على وشها طاخ وقالها كنتى فين لحد دلوقتى.
ـــــــــــــــــــــــــــــــــــ
اتنين مساجين اتفقوا يكسروا باب السجن ويقتلوا الحارس ويهربوا. كسروا باب السجن ملقوش الحارس قعدوا يستنوه
ـــــــــــــــــــــــــــــــــــ
جماعة حشاشين قاعدين في غرزة قالوا عايزين كبريت واحد منهم قال أنا اجيبلكم الكبريت طلع ودخل من الباب الثاني قال يا جماعة ألاقى عندكم كبريت قالوله استريح لسه باعتين واحد أول ما يرجع نديلك واحد.
ـــــــــــــــــــــــــــــــــــ
مرة وحدة وحشة اوي كل ام الناس يشفوها يقولو عليها انتي شكليك وحش المهم طلعلها عفريت وقال لها شبيك لبيكي انتي عوزا ايه قالت له نفسي اي حد يشوفني يقع فيا قال لها العفريت روحي وانتي بلاعه
ـــــــــــــــــــــــــــــــــــ
محشش قالوا له قول لنا طير بحرف الكاف قالهم كنتاكي
ـــــــــــــــــــــــــــــــــــ
واحد غبي وقع في حفرة ومش عارف يخرج منها، اول مرة حاول يخرج معرفش، تاني مرة حاول يخرج معرفش برضه، تالت مرة قال لو معرفتش اخرج المرة دي هروح
ـــــــــــــــــــــــــــــــــــ
بلديتنا راح ينشر خبر فى الاهرام ملقاش حبل
ـــــــــــــــــــــــــــــــــــ
واحد فقير عدى من قدام الجزار وبص للحمة بتمعن ... وقال لها حتروحى النار
ـــــــــــــــــــــــــــــــــــ
واحد رفيع جدا راح وقف ف وسط الناس وقعد ينادي ويقول من يجي يتحداني من يجي يصارعني، مفيش رجاله هنا والا ايه، طلعله واحد من الناس عضلات الراج لقال بقينا اتنين من يتحدانا من يصارعنا..
ـــــــــــــــــــــــــــــــــــ
اتنين مساطيل قاعدين مر عليهم جنازة - جنازة مين دي؟ - عبد اللطيف تاني يوم نفس الحكاية - جنازة مين دي؟ - عبد اللطيف تالت يوم نفس الحكاية - جنازة مين دي؟ - عبد اللطيف - هو ماله حظه مهبب كده ليه؟
ـــــــــــــــــــــــــــــــــــ
واحد مسطول ماشى فى الشارع لقى عمود نور مكتوب عليه شقة للايجار راح قعد يخبط على العمود لغاية لما جاله مسطول تانى قال له انت بتعمل ايه هنا قال له اصلى لقيت مكتوب شقة للايجار قمت قعدت اخبط بس محدش رد علىّ قام التانى قال له غريبة مع ان الجماعة منورين النور فوق
ـــــــــــــــــــــــــــــــــــ

في واحد كريم انحرق بيته لما جت المطافي حلف عليهم ما يعملوا حاجه لحد ما يشربوا القهوة
ـــــــــــــــــــــــــــــــــــ
في واحد بخيل انحرق بيته رن على المطافي رنه وحده وقفل السماعه
ـــــــــــــــــــــــــــــــــــ
واحد بيقول لتانى انت مواليد 80
قالة ايوة مواليد 80
قالة يبقى اكيد تعرف محمود
ـــــــــــــــــــــــــــــــــــ
مرة شحات بيقول لله رد علية واحد قالة ربنا يسهلك

قاله وان ماسهلهاش ارجعلك
ـــــــــــــــــــــــــــــــــــ
واحد بيقول للتانى انا بدات اكتب مذكراتى التانى رد علية

وياترى وصلت لليوم اللىسلفتك فية20 جنية
ـــــــــــــــــــــــــــــــــــ
بلدياتنا حب يوصل بلده بسرعة ركب القطر وقعد يجرى فيه
ـــــــــــــــــــــــــــــــــــ
واحد بقول لجاره من فضلك لما تبوس مراتك ابقي اقفل الشباك انا امبارح شايفك وانت بتبوسها

حرام عليك دانا كنت امبارح بايت بره
ـــــــــــــــــــــــــــــــــــ
مرة واحد قال لصاحبة سمعت اخر نكتة ؟

قالة لية هما خلصوا
ـــــــــــــــــــــــــــــــــــ

واحد واقف أمام محل عصير ومعهوش غير 25قرش قال اشرب عصير ولا اركب الأوتوبيس لو ركبت الأوتوبيس يا هقف يا هقعد، لو وقفت مش مشكله لو قعدت هقعد جنب راجل أو ست، لو, راجل مش مشكله لوست يا هتبقي حلوه أو وحشه، لو وحشه مش مشكله لو حلوه هطلبها للجواز، لو رفضت مش مشكله لو وافقت هدفع لها مهر وشبكه وهتخلف عيال ياخدو فلوسي ويطلعوا عيني، وعلي إيه مشرب عصير أحسن.



---------


فيل وأسد وفأر وثعلب وارنب ماشيين في الغابة ، وقعوا كلهم في حفرة إلا الزرافة ،قالولها :جيبي لنا حبل. قالتلهم :ما فيش. قالولها :إحنا جعانين عايزين ناكل .قالتلهم: ماعرفش أجيب لكم أكل. قالولها: والعمل؟ قالت لهم: كلوا أضعفكم ..... قام الفأر نط مفزوع وقال لهم : اللي حيقرب من الأسد حيعرف شغله


---------



واحد سكران كان بيعاكس وحدة وحشة اوي بالليل فكان بيقول لها يا وحشة يا وحشة راحت ملتفتة ليه وقالت له
يا سكران.. راح قايل لها طب أنا سكران حفوق بكرة .. طب وانتي ؟؟


---------


لوا جائزة مليون جنيه للي عنده 10 عيال.واحد عنده تسعة قال لمراته أنا كنت
متجوز عليكى ومعايا ولد أروح أجيبه ونكمل العشرة ونكسب الجايزة.راح ولما رجع ملقاش العيال سأل مراته فين العيال قالتله كل عيل أبوه جه خده


---------





واحد صاحب مزرعة فراخ محمل العربية فراخ و سايق وقفته لجنة و سألوه "محمل إيه؟" قال لهم فراخ، قالوله "بتأكلها إيه؟" قال لهم "بأكلها قمح" قالوله غرامة 100 جنيه "بتأكل الفرخ قمح والبلد مش لاقية تاكل؟؟". و هو مكمل وقفته لجنة و سألوه "محمل إيه؟" قال لهم فراخ، قالوله "بتأكلها إيه؟" قال لهم "بأكلها زبالة" قالوله غرامة 100 جنيه "بتأكل الفراخ زبالة عشان تسمم الناس؟". الراجل مكمل ع الطريق وقفته لجنة، الظابط سأله "محمل إيه؟" قال له فراخ، قال له "بتأكلها إيه؟" قال له "و الله يا باشا، أنا بادي لكل فرخة مصروف وهي تجيب الأكل اللي هي عايزاه"



---------




مرة واحد جاله عيل بس للأسف كان شكله غلط خالص، فسماه صفوت، كبر صفوت قام ابوه مقدم له ف المدرسة بس ما اتقبلش لتخلفه العقلي الواضح و شكله الغير طبيعي، الراجل ما لقاش فايدة قام طالع على المدارس الخاصة وعدى عليهم مدرسة مدرسة كل ما يشوفوا صفوت يقولوا له ربنا يسهل لك، الراجل تعب قوي لحد ما لقى مدرسة داخلية للحالات الخاصة جدا قام رامي لهم صفوت و مصاريفه و راح شم بقى نفسه وعاش حياته.
المهم... تعدي سنة الراجل افتكر ابنه وحب يزوره راح المدرسة و سأل عليه ف الاستقبال قالوا له الدور الأول طلع..لقى يافطة مكتوب عليها "قسم الناس الغريبة" دخل فصل فصل و بص ف كل العيال ما لقاش صفوت، نزل لبتوع الاستقبال قالوا له يبقى ف الدور التاني طلع التاني لقى يافطة "قسم الناس العجيبة" دور فصل فصل و درج درج مفيييييش صفوت، نزل تاني قالوا له يبقى ف التالت أكيد، طلع لقى يافطة عليها "قسم الناس الفضائية" قعد يبص و يفلي ف العيال الفضائيين ما لقاش ابنه برضة، نزل لهم قالوا له بص، بعد كدة مفيش غير السطوح طلع السطوح لقى فصل واحد عليه يافطة مكتوب عليها "صفوت".


----------



الراجل الأخضر صحي في الصبح لاخضر فقام م السرير الاخضر و لبس الشبشب الاخضر خد بعضه وإيه..دخل الحمام الاخضر فتح الحنفية الخضرا، و اتشطف بالمية الخضرا و لبس لبسه الاخضر و نزل م العمارة الخضرا ركب العربية الخضرا، و هو سايق ع الطريق لاخضر كسر عليه واحد بعربية حمرا بوظ له النكتة




----------



مره قرية كلها أغبيا كان فيها حفره كل يوم واحد يقع فيها عملوا مجلس علشان يشوفوا حل للحفره دي قام واحد وقال يا جماعه احنا نحط عربية اسعاف جنب الحفره علشان المصابين يتنقلوا بسرعه قام التاني قال احنا نبني مستشفى جنب الحفره علشان يتنقلوا أسرع قام التالت قالهم يا جامعه انتوا مغلبين نفسكم ليه احنا نردم الحفرة دي ..ونحفر واحدة تانية جنب المستشفى



------------
------------

نكت مصرية

واحد ماشي في الشارع قابله واحد تاني شكله مش على بعضه قاله: لو سمحت من فضلك قلعني الجاكتة
نعم؟!
قلعني الجاكتة بسرعة
حاضر..حاضر وراح مقلعه الجاكتة
لو سمحت بقه فكلي زراير القميص
لاااا دانت زّودتها اوي..كده تاخد برد يقلب بنزلة شعبية حادة تاخد أجلك
من فضلك فكها..بسرعة ارجوك
ُافففف..وادي زراير القميص خلاص فكتها..دا كان يوم إيه المهبب ده, ها أي اوامر تانية؟
أيوه قلعني بقه القميص
يا سيدي عييب..مايصحش كده, دإحنا فى الشارع خللي عندك دم
أرجوك..أرجوك بسرعة..مافيش وقت
دي وقعت إيه المهببه دي, أنا كان إيه إللي جابني من الشارع ده..وادي القميص ..هاااا..إيه تاني!!
إرسملي على ظهري خطوط بالطول وخطوط بالعرض
حسبي الله و نعم الوكيل..إنت مجنون ياراجل أنت؟؟!
من فضلك..أرجوك
رسمتلك زفت بالطول وزفت بالعرض
رقملي بقه المربعات إللي إتكونت على ظهري بالأرقام من 1 إلي 40
يا صبر أيوووب..بقه إنت معطلني كل ده علشان تلعبني سيجه على قفاك؟! بسرعة لو سمحت..أرجوك رقمهم..من فضلك مش قادر أديني رقمتهم.. لو سمحت بقى أهرشلي في المربع رقم 33


*****


واحد كان بيدور على مطعم نظيف، لقى محل مكتوب عليه (حاربنا الذباب) فراح داخل وأول ما جه الأكل تجمع الذباب عليه فقال للجرسون: بتقولو حاربنا الذباب وطلع كل الذبابا ده منين الجرسون: احنا حاربنا الذباب بس هو فاز علينا


****

اتنين سودانيين قاعدين يدردشوا مع بعض ..الاول :"تصور يا زوووول عبدوالناصر مات من كتر الهموم" التاني قالو :"لما هو مش اد الهموم بيستهما ليه.."

****

واحد قاعد في خمارة لقى اتنين مساطيل بيكلموا بعض
- انت ساكن فين
- في مدينة نصر
- معقولة؟ وانا كمان .. فين في مدينة نصر؟
- في المنطقة الأولى شارع النصر
- الله وأنا كمان، في عمارة كام؟
- شقة 35
- لأ مش ممكن ، وانا كمان
الراجل هيتجنن، سأل الجرسون ايه الحكاية؟
- متاخدش ف بالك دول واحد وأبوه بيسكروا هنا كل يوم

****

واحد حرامى دخل بيت واحدة عجوزة فلما حست بية رفع عليها السكينة

وقالها حاجة من الاثنين ياابوسك ياتاكلى مهلبية

قالتلوة هو انا فيا سنان للمهلبية

****

كان في سلحفتين صغيرين كانوا بيحبوا بعض كبروا واتجوزوا وخلفوا سلحوف صغير سموه ابوسريع ,اقترحت ام

ابوسريع علي ابو ابوسريع انهم يروحوا يفسحوا الواد في البحر الاحمر جهزوا لوازم الرحلة واستغرقت الرحلة 15سنة

ذهاب.. وصلوا علي البحر وفرشوا علشان يأكلوا وفجأة صرخت ام ابوسريع "تصدق يابو ابوسريع نسينا اهم حاجة

نسينا الملاحة عشان الاكل .اخطف رجلك وروح البلد هاتها .."صرخ ابو ابوسريع وقال لسه هاروح 15سنة رايح و15 سنة

جاي يكون الاكل برد الأحسن نبعت الواد ابوسريع خفيف ولسه صغير.."ونادوا ابوسريع وقالولهه وبعتوه يجيب الملاحة

ومرت السنين...حوالى40 سنة وابوسريع مجاش، السلاحف بدأت تقلق فقالت ام ابوسريع احسن ناكل بدل ماالاكل يبرد

ولمايجي ابوسريع نعمله اكل ثاني "فجاة خرج ابوسريع من ورا شجرة وقال يعني لو كنت رحت كنتم كلتم من غيري


****

مرة واحد اسمة عزوز راح اشتغل عند ميكانيكى صبى صغير .فى يوم قال عزوز لصاحب الورشة انا اعرف رئيس الحى

صاحب الورشة مصدقوش ولكن بعد يومين فعلا مر من قدام الورشة رئيس الحى وسلم على عزوز سلام حار صاحب الورشة

عجب بعزوز وشغلة اسطى فى الورشة وبعد يومين عزوز قال لصاحب الورشة انا اعرف الوزير قال لة لا ديا صعبة جدا

وفعلا بعد يومين مر الوزير من قدام الورشة وسلم على عزوز ...صاحب الورشة اتجنن وقال لعزوز يابنى انا هجوزك بنتى

وتمسك الورشة مكانى... وبعد يومين قال عزوز لصاحب الورشة انا اعرف كلينتون ولكن صاحب الورشة المرة ديا قال

لعزوز بلاش تهتش على ديا واسعة قوى ..عزوز قاله تعال نسافر وانا هعرفك وفعلا سافروا امريكا ووقفوا امام البيت

الابيض وعزوز قال لصاحب الورشة بص على الشباك الابيض الى فوق ده ..هطلع كمان شوية انا وكلينتون ونقول لك

هاى وفعلا عزوز طلع هو و كلينتون بعد خمس دقائق الراجل صاحب الورشة اغمى علية وراح المستشفى . ولما فاق

عزوز بيسألة انت اغمى عليك علشان شفتنى انا وكلينتون .صاحب الورشة قال لا يابنى انا اغمى علية علشان انت

والريس وافقين فى الشباك عدا من قدامى اثنين امريكان بيسألونى من الى واقف جنب عزوز ده


****

كان فيه ولد كل يوم يروح عند محل الكيك ويقول للطباخ عندكم كيكة طماطم ؟

ويقوله الطباخ : " لا "

و فى اليوم اللى بعده يروح يسأل نفس السؤال عندكم كيكة طماطم ؟

و يقوله الطباخ لا

في الأخر ارف منه الطباخ وقال خليني أعمله كيكة طماطم وارتاح منه !

ولما جاء الولد وسأله نفس السؤال .. قال له الطباخ : " نعم .. عندنا كيكة طماطم "

رد عليه الولد وقال :" يععععععع .. انتو ازاي بتكلوها؟؟؟؟


****


اب كسلان بيقول لابنه كسلان اوم افتح الباب لامك

قاله: ماتروح تفتحلها انت مش دي تبقى مراتك

قال الاب اوم يا ابني دي امك

قال الابن: وتبقي برده مراتك اوم انت افتحلها

طب هي طالق اوم بقي افت


****

سائق تاكسى مصرى يعمل فى نيويوك ركب معه مواطن أمريكى

الأمريكى:أريد الزهاب إلى المطار فورا الطائرة سوف تطير بعد دقائق

السائق المصرى : فى خدمتك حالا سنصل إلى المطار

انطلق السائق المصرى بأقصى سرعه , عند أول تقاطع كانت الإشارة حمراء لكنه لم يتوقف و تخطى التقاطع

صرخ الأمريكى : ما هذا ؟

رد السائق : لا تقلق السائق المصرى أمهر السائقين

عند التقاطع الآخر كانت الإشارة حمراء و انطلق السائق بأقصى سرعة

صرخ فيه الأمريكى : ماذا تفعل هل أنت مجنون ؟

رد السائق : لا تقلق السائق المصرى أمهر السائقين

عند التقاطع الثالث كانت الإشارة خضراء . فضغط السائق على الفرامل بشدة حتى توقفت السيارة

فصاح الأمريكى : ماذا بك , الإشارة خضراء ! لماذا توقفت ؟؟

رد السائق : ربما يكون هناك سائق مصرى آخر يمر فى الإتجاه العمودى .


****


واحدة حامل فى ثلاث توائم

يوم الولادة الدكتور بيطلع العيل الأول لقاه نايم وساكت قعد يضريه على وشه حتى صرخ الطفل ركنه على جنب

وطلع الطفل الثانى لقاح زى أخوه قعد يضربه لما فاق وركنه

جه الدكتور يدور على الطفل الثالث مش لاقيه راح ماشى وقال للممرضة كملى لأنهم اثنين بس

الممرضة جت تكمل لقت الطفل الثالث طالع براسه بالراحة وبيسألها

هو الراجل اللى بيضرب العيال مشى ولا لسة


*****


لمزيد من النكت والكوميديا زوروا مدونة الراجل دا بيقول كلام زي الفل من هنا
.

مواضيع مشابهة



Widget by Hoctro | Jack Book

0 comments:

سبحان الله وبحمده سبحان ربي العظيم

اللهم اتنا في الدنيا حسنة وفي الاخرة حسنة وقنا عذاب النار