منتدى المدونين واصحاب المواقع
يمكننا الرد على تساؤلاتكم وطرح مواضيع تفيدكم ..
مرحبا بكم


نجوم اف ام

السبت، 23 يونيو، 2007

كيف تنشئ مدونتك

دا فيديق لشرح عملية التدوين


جميل أوى إن يكون لك موقع... الأجمل لما يزيد الزوار فى موقعك يوم بعد يوم...الأكتر جمالا لما يجيى الزائر مرة تانية..والأجمل بالنسبة للزائر إنه يلاقى اللى هو عايزة فى موقعك...

(جميل أوى إن يبقى لك موقع)

بالنسبة للمواقع ..مواقع بفلوس ومواقع مجانية ....مواقع أغانى ومواقع برامج ..ومواقع أخبار إلخ........طاب مدونة ولا موقع......طاب موقع مجانى على موقع ايه....طاب مساحتة قد إيه؟ طاب هعمل الموقع ليه ..طاب هكتب فيه ايه؟ .... هصمم الموقع إزاى؟... طاب الموقع هيبقى إسمه إيه...طاب هعمله إزاى وهعمله فى وقت قد إيه؟؟...

أحب أسألك عن شوية أسئلة لو إفترضنا إن موقعك مش موقعك!!!!...

لو دخلت موقعك....هتستفاد حاجة؟؟
لو دخلت موقعك..هترجع له تانى؟؟
لو دخلت موقعك هتخليك فى الموفع قد ايه؟؟

كل الكلام والأسئلة دى فى جملة واحده من 3 كلمات (جميل أوى إن يبقى لك موقع) وأكتر من كده بس هقولك بقى إجابات جميع الأسئلة اللى أنا كنت بقولها.....بس إسمح لى إنى أقولها فى نقاط.....

--اعمل موقع عن أى حاجة بتميييل لها...يعنى حاجة بتحبها....يعنى متعملش موقع عن الفوركس وإنت متعرفش يعنى إيه الفوركس ..
--سواء على موقع بفلوس أو مجانى مش مشكلة...لو كنت مبتدأ ليه لأ لما تعمل موقع على موقع مجانى أو مدونة..أهو بتستفاد خبرة برضه وأهى تجربة...
--تصميم وشكل الموقع ده بيفرق كتيير...أنا عن نفسى لو دخلت ولقيت الموقع الخلفية بتاعته صفراء ...أبسط حاجة إنى هقفل الموقع...بلاش وجع عين....((((جوجل))))

الخبرة والله مش بتيجى بين يوم وليلة...كلنا بنبقى مش عارفين ...بنشوف فى الموقع ده ...بندور فى المواقع...أنا عن نفسى خبرتى متواضعة فى مجال التصميم بالذات بس مش عيب لما أتعلم ...مش عيب لما أسأل....
على العموم خد الموقع ده هتلاقى فيه كل حاجة عن الاتش تي ام ال وهيا لغة الصفحات

html...

http://www.w3schools.com

وده موقع بلوجر بتاع المدونات...واللى مش عارف المدونات يعنى ايه ..المدونة هيا موقع مجانى زى صفحة مجانية..وده تابع لشركة جوجل

http://www.blogger.com

وده كمان موقع من جوجل لأصحاب المواقع....

http://www.google.com/webmasters/sitemaps

دى زى إسكريبتات وخدمات لموقعك....)....

http://www.google.com/ig/directory

الأجمل لما يزيد الزوار فى موقعك يوم بعد يوم)
إتفقنا ياشباب إن انت عملت الموقع اللى إنت بتكتب فيه حاجة عارفها وشئ مفيد علشان الناس تيجى تانى...أوك....
طاب هو الناس هتيجى منين؟؟؟؟
3 أماكن الناس ممكن تيجى منها لموقعك....
1...من محركات البحث
2...من مواقع تانية
3...لو عامل إعلان فى وسط ميدان التحرير فى مصر وكاتب فيه موقعك..هههه
طبعا ومفيش شك إن أفضلهم على الإطلاق محركات البحث زى جوجل وياهو والأم اسن ان...والتافيستا.....

طاب واحد يقول لى ازاى أحط موقعى فى جوجل أو فى أى محرك بحث....


لو عايز تحط موقعك مئلا فى جوجل ....
http://www.google.com/addurl
ممكن تبحث بقى عن المحركات اللى إنت عايز تحط موقعك فيها.....
بس نصيحة....سيبك من واحد يقول لك خد اللينك ده وموقعك يبقى مش عارف فى كام مليون محرك بحث والكلام الفارغ ده.....حط موقعك فى محركات البحث المشهورة من المواقع الرسمية..... يعنى من موقع البحث نفسة....
ask,google,yahoo,msn وفيه غيرها بس دى أهمها....

هل إنت كده عملت حاجة؟؟؟.....أحب أقول لك للأسف معملتش حاجة ..بس أوعى تدعى عليا ...أنا هقول لك تعمل ايه....
مش معنى إن انت عملت موقع وحطيتة فى محركات البحث يبقى موقعك بقا مشهور...لا...
فى حاجة اسمها....
الميتا
seo
keywords

فرضنا مثلا لو انت كتبت كلمة برامج فى جوجل ؟ هيطلع لك موقع برامج نت...الجياش...المشاغب..ومواقع عن البرامج...
موقعك عن البرامج؟...طاب ليه مطلعش معاهم...
أهم سؤال من وجهة نظرى فى منتديات المال والأعمال...معلش ده مش غرور بس دى الحقيقة....هو السؤال ده...(هو ليه موقعى مش معاهم فى الصفحة الأولى مثلا مع ان موقعى عن البرامج برضه؟؟؟)...أخطر سؤال أى حد ممكن يسأله لنفسه

بص...هات موقع برامج نت وأعمل view source هتلاقى ايه فى السطر السادس؟؟؟
meta name="keywords" content="برامج, البرامج, برنامج, البرنامج, جديدة, ماسنجر, فوتوشوب, دروس, ترجمة, سوفت, اقلاع, كراك, كراكات, فايروس, حماية"
ده اللى هتلاقيه...ده بقى اسمه الميتا ...والكلمات المفتاحية اللى محركات البحث بتشوفها...
وهيا عبارة عن الكلمات بتكتبها على حسب موقعك بيتكلم عن ايه....


علشان موقعك يلاقى رعاية من مواقع البحث يبقى لينك موقعك فى مواقع كتير....دى نقطة مهمه....
فى مواقع مخصصة لكده بفلوس ومجانا بتحط لك اللينك بتاع موقعك فى مواقع كتيرة....وممكن انت تعمل تبادل مع مواقع تانية برضه....

ابحث بس عن الكلمات دى بالأنجليزى فى جوجل

seo
keywords
meta tags

واستهدى بالله كده وإقرأ اكلام عن التلت مواضيع دول...دول أساسا علم لوحدهم وليهم كتب...يعنى مش هقدر أديهم لك فى كبسوله...دولت لازم تقرا وتقرا فيهم لغاية ماتعرف وتتعلم....


..(.الأكتر جمالا لما يجيى الزائر مرة تانية..والأجمل بالنسبة للزائر إنه يلاقى اللى هو عايزة فى موقعك) دى شرحها بسيط وهو موقعك يبقى فيه حاجة مفيده ممكن يسجله فى المفضله وممكن يبحث عنه...يعنى لازم موقعك يبقى مميز.....علشان يجيى تانى ولما يجى تانى موقعك هيتقدم فى محرك البحث وهيزيد عدد زوارك...

ببساطة موقع بيخلى كل أما تكتب حاجة جديدة فى موقعك تتبعت على طول للزائرين المشتركين عندك...
مثلا برامج نت عامل فى أول صافجة ...ضع ايميلك ....أهو نفس الحوار ده...لما الزائ يحط ايميله فى الموقع عندك يوصل له كل جديد

http://www.feedburner.com

نصيحة...زور مواقع أجنبية وعربية كتير...أسأل إتعلم...


بالنسبة بقى الأحسن من كده إن انت تلاقى فى الأخر مكاسب من موقعك وده اللى يخليك تستمر

بخصوص الجملة دى .....الحاجة الغريبة انها مش محتاجة شرح!!

ماهو دى أسهل ما فى الموضوع.....

بالنسبة لجوجل أدسينس ودى خدمة من جوجل لأصحاب المواقع...هتشترك وتعمل حساب فيها وبعدين هيديلك كود تحطه فى موقعك....وبعدين هتتحاسب على عدد الضغطات اللى الزوار بيضغطوها على الإعلانات دى.....وكل يوم ممكن تراقب فلوسك وهيا بتزيد وبيتبعت لك شيك بالمبلغ .....عايز تعرف كل حاجة عن جوجل ....طاب إتفضل

http://www.google.com/adsense/support


فى شركات تانية زى أدبيرت..وأوكسادا....بس جوجل أفضلهم.......

مواضيع مشابهة



Widget by Hoctro | Jack Book

2 comments:

اجلوكو يقول...

شكرا لك اريد اضافة الموقع الصديق عندك
http://aglocomisr.blogspot.com

x_file يقول...

مشكووووووووووور اخى فعلا مدونتك جميلة ومتكاملة وفيها المفيد كلو
ويا ريت اى جديد فى مجال الاشهار وجلب الزوار تضيفو علشان انا متابع معاك
وبشكرك مره تانية

سبحان الله وبحمده سبحان ربي العظيم

اللهم اتنا في الدنيا حسنة وفي الاخرة حسنة وقنا عذاب النار